Evdə hazırlaya biləcəyiniz unsuz sadə bir çörək resepti paylaşmaq istəyirəm.

Tərkibi:

• 1 ədəd yumurta 
• 1 stəkanı qatıq
• 3 xörək qaşığı zeytun yağı
• 2,5 stəkan yulaf unu ( blenderdə yulafı un hallına gətirə bilərsiniz
• 1 ədəd xırda rəndələnmiş kök
• 1 stəkan kəsmik (istəyə görə şor)
• Bol şüyüd (miqdarı istəyə görə)
• 1 xörək qaşığı qabartma tozu
• 2 çay qaşığı duz

Üzərinə:
1 ədəd yumurta sarısı və istəyə görə çörəkotu, kətəntoxumu, yulaf və s.

Hazırlanma qaydası:

• Ocağı 180 dərəcədə isidin.
• Yumurta, qatıq və zeytun yağını qarışdırın. Mikserə ehtiyac yoxdur. Əl çırpıcısı ilə olar.
• Yavaş yavaş əvvəlcədən blenderdə hazırladığınız yulaf ununu əlavə edin. Kök, kəsmik, şüyüd, qapartma tozu və duzu əlavə edərək xəmiri yoğurun.
• Əlinizlə istədiyiniz boyda hissələr qopardın və ovucunuzda yuvarlaşdıraraq bişirəcəyiniz listə qoyun. Hazırlanan xəmir yapışqan olduğundan əlinizi isladıb sonra parçaları qopardsanız daha rahat olacaq.
• Üzərinə yumurta sarısı sürtün istəyə görə çörəkotu, yulaf və s. səpin.
• Əvvəlcədən qızdırdığınız sobada 20-25 dəqiqə bişirin.
• Sobadadan çıxartdıqdan sonra soyumasını gözləyiniz.

Yeməzdən əvvəl #healthieraz ilə paylaşmağı unutmayın. Nuş olsun!